O NOSO FESTIVAL DE NADAL

Aquí vos deixo o noso primeiro e último festival de Nadal, con varios "corta y pega".
Como moitos veriades, ocorreu con diversos incidentes e accidentes (sobre todo a profe, que xa meteu a pata tropezando co cable e rompendo o micrófono).
O mellor de todo é que estou segura de que os nenos e nenas pasáronno xenial.
Para outro ano procuraremos ensaiar máis no escenario e cometer menos erros.

AS ACTUACIÓNS EN DIRECTO E CON TANTO PÚBLICO É O QUE TEÑEN!





E agora unhas cantas fotos:

FESTIVAL NADAL - foto montaje

Ao finalizar o festival, fíxosenos entrega dun agasallo por gañar o CONCURSO DE POSTAIS do COLEXIO: un pino moi fermoso e un diploma.

ENTREGA DE PREMIOS DAS POSTAIS

O pasado sábado, vinte dos nosos pequech@s asistiron á entrega de premios de postais no Pazo da Cultura de Carballo.
Os nosos 3 campións: Alberto, Mateo Lema e Antía recolleron os seus respectivos premios.
Despois deixáronnos subir a tod@s ao escenario para poder sacar unha foto cos nosos compañeiros.
O domingo resulta que foi a imaxe de portada do xornal "El Diario de Bergantiños".

Os nosos tres gañadores tamén saíron no xornal "La Voz de Galicia".

Esta semana, Alberto, Mateo e Antía trouxéronnos para a clase unha parte dos regalos que recibiron, para poder disfrutar deles todos na aula.
Aquí volo amosamos:

ÁS PORTAS DO NADAL

Mentres seguimos traballando duro na nosa actuación do festival de Nadal, aquí vos poño un vídeo para ir quentando motores para estas festas.

O CUMPLE DE NICO

O xoves festexamos o cumple do noso benxamín: Nicolás. Agora xa todos temos 5 aniños.
Nico tróuxonos unha tarta riquísima e uns agasallos sorpresa para cada un de nós. A todos os pequech@s lles gustou moito.

Moitísimas felicidades guapetón e moitas grazas familia!

PHOTOCALL

O equipo de Normalización Lingüística fixo un photocall sobre o monte.
Colocárono na entrada do cole e alí fumos, o xoves pola tarde, a sacar as fotos coa axuda do profe Joaquín.

O CUMPLE DE CARLA

O martes celebramos o cumple de "Carliña".
Xa veredes cacho biscoito nos trouxo...pero só quedaron as migas!!! Ademais houbo chuches para tod@s para endulzarnos así a boca.

Moitísimas felicidades pequecha e moitas grazas!

UNHA DAS NOSAS POSTAIS DO MONTE, GAÑOU O CONCURSO DO COLEXIO.

Aquí vos amosamos o noso debuxo que gañou o concurso de postais do colexio.
Resultou moi doado facelo. Pintamos o fondo con témpera azul, o tronco da árbore de marrón e con bastonciños de algodón fumos poñendo boliñas de diferentes cores á árbore.
Por último deille unha capa de spray branco para que semellase a neve.

Bo traballo pequech@s!

AS NOSAS POSTAIS DE NADAL. RESULTAMOS GAÑADORES!

Este ano, para participar no concurso de postais era requisito obligatorio que cada debuxo fose dun único neno/individual. Non obstante, nós fixemos moitos debuxos de Nadal en equipo.
De todos eles seleccionamos os 25 que consideramos máis orixinais e bonitos e asignamos un cada neno/a.

O xoves saíu no xornal a seguinte noticia.

Tivemos moita sorte e o debuxo de Alberto acadou o 1º premio, o debuxo de Mateo Lema o 2º premio e un dos cinco accésits recaeu en Antía.
Noraboa pequech@s!

As familias dos 3 agraciados vannos traer parte do premio para a aula para que todos o poidamos desfrutar polo que llelo agradezo moito.
Este sábado moitos de nós xa nos veremos na entrega de premios!

Aquí vos amosamos algunhas das 25 postais que presentamos ao concurso do Concello de Carballo.
Fáltame a foto de 5 delas (algunhas das que presentamos ao concurso do colexio). (Esquecéuseme sacárllela).

Pronto saberedes cales delas foron as agraciadas!!!
Para min todas teñen o seu encanto.

NOTA INFORMATIVA

Ola familias, O luns, sin falta, mándovos unha nota explicando o que pasou este ano cas postais de Nadal que presentamos no Concello.

O CUMPLE DE PAULA

O venres Paula fixo os 5 aniños.
Tróuxonos un biscoito riquísimo e como non, houbo regaliños para todos.

Moitísimas felicidades pequecha!

O CUMPLE DE CLARA

O mércores celebramos os 5 aniños de Clara.
A súa mamá fíxonos unha tarta riquísima e houbo regaliños para todos e todas.

Moitísimas felicidades guapetona e moitas grazas familia!

RECIBIMOS A MENCIÓN ESPECIAL POLA NOSA CURTAMETRAXE

O venres, a profe Verónica máis eu, xunto con algúns nen@s e familiares, asistimos á entrega dos premios de Nós tamén creamos!, celebrada no Museo Pedagóxico Galego de Santiago de Compostela.

A nosa curtametraxe "A noite das mudanzas" recibiu unha mención especial pola expresividade e a espontaneidade lingüistica, así como pola composición estética.

O acto foi presidido polo Conselleiro de Educación (Xesús Vázquez Abad), a directora da Televisión de Galicia (Rosa Vilas), o Secretario Xeral de Política Lingüística (Valentín García), o Subdirector Xeral de O.U. e Innovación Educativa (Manuel Vila) e a representante de OQOeditora (Eva Mejuto).

Da presentación do acto encargáronse Os Sete Magníficos máis Un, un dúo de actores que habitualmente se poden ver no programa Luar.

Penso que foi unha experiencia diferente e bonita tanto para min como para os pequech@s.

                                          Fotografía co Conselleiro de Educación

                                                          Mesa presidencial

                                                     Os presentadores do acto


Tivemos moi bo recibimento: deixáronnos subir a tod@s ao escenario, a Editorial OQO regalounos un lote de libros, a TVG tamén nos entregou un agasallo que abriremos mañá todos xuntos na aula... e a profe Verónica máis eu tamén lles mercamos un afialapis a cada neno/a para que lles quede de recordo.

Agora amosámosvos o vídeo que saíu no telexornal mediodía, no que se ven algúns dos nosos pequechos e diferentes fotografías que nos sacou a mamá de Adrián (cando eu estaba no escenario).

Por último dicir que ... OS NOSOS PEQUECHOS PORTÁRONSE FENOMENAL, ATA O CONSELLEIRO QUEDOU SORPRENDIDO!
De feito, nesta imaxe estoume rindo con el porque preguntoume que qué lles prometera para que estivesen tan caladiños, tan ben sentados e atentos. 

Familias, foi todo un pracer poder contar con vós.

A GRANXA DE LANGUEIRÓN

O venres puxemos as botas de goma, chubasqueiros, roupa de abrigo e marchamos para Ponteceso.
Alí estábanos agardando Teresa, a dona dunha enorme granxa de vacas.

Pasámolo moi ben. Penso que o que máis lle gustou aos pequechos foi darlles o biberón aos cuchos.

Aquí van máis fotos...

GRANXA LANGUEIRÓN - diapositivas

Dende aquí doulle as grazas á granxa polo recibimento que tivemos.

NOTA INFORMATIVA

Cando se accede ao blog dende un teléfono móbil non se poden ver as diapositivas con fotos que hai subidas.
Para velas precísase entrar dende un ordenador.

FIN DO SAMAÍN

Para rematar o Samaín, o equipo de normalización lingüística entregou un diploma a todos aqueles nenos e nenas que participaron traendo a súa cabaza ao colexio mais un antiface.

NOTA INFORMATIVA

O venres día 8 de novembro iremos de excursión á Granxa de Langueirón (Ponteceso)

FESTEXAMOS O SAMAÍN E O MAGOSTO

A tarde do martes 29  foi unha tarde de festa por todo o alto.
Creo que as palabras sobran, basta con ver as imaxes...

Coma sempre, moitas grazas familias pola vosa participación e implicación.

SAMAÍN E MAGOSTO - diapositivas

A CABAZA DA NOSA AULA

Este ano preparamos entre todos unha cabaza para o Samaín.

Decidimos facer un gato negro xa que é o animal preferido das bruxas e que dá moi pero que moi MALA SORTE!!!  
Ademáis, é un animal mamífero, igual que as vacas (seguindo traballando así no noso proxecto).

Entre todos buscámoslles un nome aos nosos dous gatiños: Colmillo e Bigotes.

AS CABAZAS DOS PEQUECHOS E PEQUECHAS

Aquí vos amosamos algunhas das cabazas que os nenos/as de 5 anos B trouxeron para o colexio.

Ante todo familias, moitas grazas pola vosa participación e imaxinación.